LIGJET E BIZNESIT
Ndërsa vendi është përfshirë nga kriza energjetike, qeveria paraljmëron nisjen e aksionit kundër vjedhjes së energjisë. Aksioni që do të synojë shkëputjen e lidhjeve të paligjshme në rrjet do të nisë javën e ardhshme. Lajmi është bërë I ditur nga Ministria e Brendshme. Ky dikaster ka bërë të ditur se aksioni do të drejtohet nga Ajez Zyberi, që është aktualisht kreu i Inspektoratit Kombëtar të Mbrojtjes së Territorit.
Ministria e Brendshme thekson se funksionimi i Task Forcës kundër vjedhjes së energjisë vjen pas shpalosjes së planit të qeverisë për të përballuar vjeshtë – dimrin, në kushtet e krizës ndërkombëtare të energjisë.
Lidhjet e paligjshme në rrjet nënëkuptojnë energji të papaguar, cka përkthehet në miliona euro të munguara në arkën e Operatorit të Shpërndarjes së Energjisë Elektrike. Sipas të dhënave nga Enti Rregullator i Energjisë, për pjesën e parë të këtij viti, humbjet joteknike në rrjetin e shpërndarjes ose ndryshe vjedhjet, vlerësoheshin në 281 368 mwh.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
