LIGJET E BIZNESIT
Djali i ish-ministrit të ndjerë Sokol Olldashi, Glauk Olldashi ka komentuar situatën në të cilën ndodhet Partia Demokratike pas zgjedhjeve lokale të 30 qershorit.
Njësoj si Jozefina Topalli e cila tha se pas tre dekadash Partia Demokratike nuk ka më asnjë pushtet, mesa duket edhe ai ndan të njëjtin mendim me ish-kryetaren e parlamentit.
Glauk Olldashi shprehet se populli nuk ka më besim te Partia Demokratike dhe si pas tij zgjidhja është te një proces ristrukturimi i partisë.
REAGIMI I PLOTE I GLAUK OLLDASHIT
E Diela ishte dita në të cilën do të kisha ushtruar për herë të parë të drejtën e votës. Nuk e bëra, edhe pse e kisha pritur këtë ditë prej kohësh.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Demokratët nuk i janë trembur kurrë proceseve zgjedhore sepse ato janë për ne prova dhe sprova e demokracisë. PD-ja fiton zgjedhje vetëm kur ndjell besim dhe frymëzon demokratët dhe të gjithë shqiptarët që edhe pse nuk kanë bindje të caktuara politike besojnë tek fryma që forca jonë përfaqëson.
A është në popull ky besim? Zgjedhjet e 2015 dhe 2017 treguan që, Jo. Tek procesi i 2019 nuk e testuam besimin e popullit. Tashmë ky akt, i cili i dha 61 bashki PS – A do t’i vlejë kësaj force politike? Po për ne a do të vlejë?
Fakti i hidhur është që PD nuk do të menaxhojë më asnjë pushtet. Kush ka faj? Sigurisht që përgjigja që na vjen në mendje kur na pyesin është “vetja”. Por, demokratët nuk u pyetën për vendimin e mospjesëmarrjes, në fakt demokratët jo vetëm që nuk pyeten më në PD, por edhe kur ndonjëri guxon të kundërshtojë shpallët “tradhëtarë”. Kjo mendësi komuniste, edhe pse e huaj për partinë tonë, na ka “infektuar”.
C’farë është kura? Për mendimin tim do na bënte mirë një proces zgjedhor për ristrukturimin e partisë tonë.
P.S., Po më quajtët tradhëtar……. nuk mërzitem
