LIGJET E BIZNESIT
Pas takimin me krerët e partive aleate në Opozitë, kryetari i PD-së, Lulzim Basha ka dalë në një konferencë për shtyp. Basha tha edhe një herë nga foltorja e PD se votimet e djeshme treguan edhe një herë se populli e ka braktisur Ramës.
Sipas kreut demokrat zgjidhja për të dalë nga kjo krizë nuk është ik njëri dhe hajde tjetri, por një reformim i thellë i sistemit politik.
“Dje ju me te bashkuar se kurrë, jo rreth nje partie politike, por rreth vlerave per te cilat qendrojme si komb, vlerave europiane, lirisë dhe demokracisë, hapet rrugën për t’i kthyer dinjitetin e nëpërkëmbur çdo shqiptari. Marrëzia e 30 qershorit tregoi se çfarë është i gatshëm të bëjë Edi Rama për pushtetin e tij. Pamjet drithëruese të të moshuarve që i mbanin nga krahët për të shkuar me detyrim në votime. Pamjet e trishta të invalidëve, të pamundurve që duhet të bëheshin pjesë e farsës për bukën e gojës
Pamjet e punonjësve të administratës që votonin me kokën ulur nga dëshpërimi
Pamjet e të fortëve që kërcënonin me uniforma policie apo mbështjellë me petkun e pushtetarëve janë pasqyra me e qartë e degradimit të këtij regjimi. Kombinimi i përdorimit të krimit dhe presionit të pushtetit për vota është pamja e zgjedhjeve shqiptare me Edi Ramën, e faktuar me parë nga Dibra, në Durrës dhe përsëri dje, në të gjithë Shqipërinë. 85% e shqiptarëve refuzuan regjimin e grabitjes dhe dhunës. 85% e shqiptarëve dje refuzuan Edi Ramën. 85% e shqiptarëve treguan dje se duan ndryshimin.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Jo ndryshimin e thjeshtë politik, “ik ti e te vij unë”, por ndryshimin e vërtete qe nis me ndryshimin e sistemit, garantimin e zgjedhjeve te lira dhe te ndershme, garantimin e votës dhe fuqizimin e saj.
85% e shqiptareve, demokrate, socialiste, te pa parti treguan dje se duan ndryshimin qe
Kurrë me krimi te mos diktoje politiken. Kurrë me kriminelet te mos vendosin për deputete e kryebashkiake. Kurrë më krimi të mos ulet në parlament e të zërë vend në qeverisje. Kurrë më punonjësit e administratës të mos poshtërohen, duke u përdorur për të mbushur mitingjet partiake apo të kërcënohen me vendin e punës për votën. Kurrë më mos të kushtëzohet vendi i punës, buka e gojës, ndihma ekonomike apo pensioni nga vota. Dje dështoi plani i Edi Ramës për votime njëpartiake.
Shqiptarët e refuzuan totalisht, atë dhe mercenarët e tij. Shqiptarët e sfiduan, e izoluan dhe e bënë t’i binin djersë të ftohta”, tha Basha.
