Raporti paraprak i OSBE për zgjedhjet në një nga pikat e saj ka qenë kritik. Kanë qenë pikërisht televizionet shqiptare, të cilat për mënyrën se si ato e pasqyrojnë realitetin, kanë rënë pre e kritikave të shefes së misionit të OSBE. “Media nuk pati pavarësi dhe nuk i shërbeu informimit të publikut”, tha gjatë konferencës për shtyp shefja e misionit vëzhgues të OSBEODIHR, Audrey Glover. Ajo shtoi se interesat e pronarëve që mbrojnë njërin krah politik, ndërhyjnë në redaksi duke shkatërruar politikat e pavarura editoriale
Ndërsa në raportin e shkruar ku gjendet edhe një senksion që i kushtohet pasqyrimit të mbulimit mediatik të dy partive kryesore politike, bëhet edhe analiza se kë krah mbajnë televizionet. “Dy televizionet më të ndjekura, Top Channel dhe TV Klan, e mbuluan PS-në me tone kryesisht pozitive dhe neutrale, kurse PD-në me tone kryesisht neutrale dhe negative.
Në kontrast me to, News 24, e mbuloi PS-në me tone kryesisht negative PS dhe kryesisht pozitive PD.
Kanali publik, RTSH-1 është më neutral se mediat private, ku PS-ja u trajtua në një mënyrë kryesisht neutrale dhe pozitive, kurse PD-ja me ton kryesisht neutral”, thuhet në deklaratë e misionit të OSBE-ODIHR
