Hajdari thumbon Bashën dhe tregon rrugën se si PD duhet të vijë në pushtet

Deputetja Rudina Hajdari ka vijuar me thumbime karshi lidershipit të Partisë Demokratike.

Në një postim në facebook, Hajdari shkruan se tashmë që humbja është e thellë mbase mund të shërbeje si një motiv për tu ringritur edhe më fuqishëm.

Ajo kërkon në postimin e saj një model të ri të djathtë për të marrë drejtimin e vendit.

Postimi i Plotë:

Ndonjëherë duhet të dështosh tërësisht në diçka në mënyrë që të marrësh drejtimin e duhur. Mungesa e demokracisë brenda partive ka shkatërruar vijat ideologjike, duke e lënë vendin pa një të djathtë dhe me një autokrat.

Çfarë do ndodhë nga sot e në vazhdim do jetë vendimtare për të djathtën. Ringritja e së djathtës klasike është e domosdoshme dhe teoria e ardhjes në pushtet me forcë duhet të marrë fund.