“Përpara se të dilni nga shtëpia…” Krizë energjitike në Shqipëri? Balluku mesazh qytetarëve

Në kohën kur e gjithë bota ndodhet në një krizë energjitike, zv.kryeministrja dhe njëherazi ministrja e Infrastrukturës Belinda Balluku ka dhënë një mesazh për qytetarët.

Ajo thotë se kursimi i energjisë në këtë periudhë është detyrë për secilin.

Ajo apelon që qytetarët të sigurohen kur dalin nga banesa që të gjitha dritat të jenë të fikura dhe të shmangin ndriçimin e panevojshëm, gjatë kohës që ndodhen në shtëpi.

‘Kursimi i energjisë elektrike në ditët e sotme, në kushtet e një krize botërore, është detyrë për çdo qytetar. Përpara se të dilni nga shtëpia sigurohuni që të gjitha dritat të jenë të fikura. Shmangni ndriçimin e panevojshëm, gjatë kohës që jeni në shtëpi.’- shkruan Balluku.