Pas mesazhit që shpërndau pak minuta më parë ku uroi shqiptarët për shmangjen e përplasjes civile dje gjatë procesit të zgjedhjeve, presidenti Meta ka postuar një foto tjetër.
Meta ndodhet me dy vëzhgues ndërkombëtarë të zgjedhjeve vendore ndërsa në mesazh, ai ironizon Ramën duke i kujtuar ditën e shtunë kur e priti në zyrën e tij që në 5 të mëngjesit për një dialog.
‘Kënaqësi të takoja sot në Lalëz dy vëzhgues ndërkombëtarë të votimeve të djeshme, Zhoaon nga Holanda dhe Katerinën nga Gjermania.
Ata kërkuan një kujtim me mua dhe unë jam i lumtur ta ndaj këtë foto me ju.
Po kështu jam i gëzuar që u ka pëlqyer shumë Shqipëria.
E di që disa komentues do më kritikojnë pse sot jam buzë detit si e hënë që është, por dua t’ju them se kam humbur shumë ditë pushimi duke pritur dialogun dhe reflektimin, përfshirë dhe të shtunën e fundit’, shkruan Meta.
