Socialistët marrin edhe Bashkinë e Devollit

Partia Socialiste del fituese edhe në Bashkinë e Devollit. Ka përfunduar procesi i numrit të votave, nga ku ka rezultuar se kandidati i PS-së, Eduart Duro ka fituar me 6304 vota, përballë tre kandidatëve të tjerë, që ishin në garë.

Përkatësisht, për Bashkinë e Devollit garonin edhe kandidati i pavarur Fezi Shaholli, i cili ka siguruar 648 vota, Ylli Cenkolli i FRD me 242 vota dhe Artur Korpollogu i “Shpresa për Ndryshim” me 341 vota.

Më përpara, Bashkia e Devollit drejtohej nga kryebashkiaku i Partisë Demokratike, Bledjon Nallbati.