Nis protesta/ Qytetarët me pankarta në duar para Ministrisë së Brendshme, kërkojnë drejtësi për 7-vjeçaren

Ka nisur protesta në Ministrinë e Brendshme, ku qytetarët kanë dalë me pankarta nëpër duar.

Ata janë mbledhur në formë revolte për vdekjen e vogëlushes 7-vjeçare Jonada Avdia në Himarë, e cila u përplas për vdekje nga efektivi i policisë Arjan Tase që drejtonte një motor skaf uji.

Siç shihet nga pamjet, mesazhet kryesore janë thirrjet për dorëheqjen e ministrave Bledi Çuçi dhe Mirela Kumbaros.

Një tjetër mesazh është “nuk shkojmë në det, sepse shteti të vret”. Qytetarët bëjnë thirrje shtetit për një reagim më të madh.