Alarmohen banorët, zjarr me përmasa të mëdha në këtë zonë të Shqipërisë

Mesditën e sotme një zjarr me përmasa të mëdha ka përfshirë një sipërfaqe mjaft të madhe me ullinj dhe agrume në fshatin Dëshiran të Bashkisë Belsh.

Era e fortë dhe temperaturat e larta po favorizojnë përhapjen me shpejtësi të flakëve në të gjitha drejtimet duke djegur në pak kohë disa hektarë me ullishta dhe agrume.

Për izolimin dhe shuarjen e flakëve janë mobilizuar forcat dhe mjetet e shërbimit zjarrfikës të bashkive Belsh, Kuçovë e Cërrik. Në ndihmë të tyre në terren janë edhe dhjetëra banorë të zonës dhe punonjës të shërbimit pyjor.

Mësohet se po punohet maksimalisht për vënien e saj nën kontroll të plotë sa më shpejt.

Vatra e zjarrit ishte shumë pranë banesave, por falë punës të shërbimit zjarrfikës të Belshit e Cërrikut u neutralizua përhapja më tej.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern