Rama paralajmëron ristrukturimin e PS: Koha për njerëzit e zotë

Kryetari i Partisë Socialiste, Edi Rama në daljen e tij të sotme të gjatë pas votimeve të 30 qershorit bëri edhe një paralajmërim për ndryshimin që pritet të ndodhë në këtë parti.

Gjatë muajit Korrik, Rama tha se do të bëhet një analizë e thellë jo vetëm për qeverisjen, por edhe brenda PS-së, pasi shtoi ai, është koha për një politikë të re duke hapur partinë.

“Kush kaloi vijën e kuqe duhet të ndëshkohet ndërsa kush ka qenë thjeshtë viktimë nuk duhet dhe nuk do të preket kurrsesi për të vijuar punën në administratë. Asnjë grua apo vajzë nuk do të largohet. Vendet e zëna me kushërirllëk apo pa meritë nuk kanë si të justifikohen as mos pastrohen. Është koha për një politikë të re, hapje të re, dhe të strukturuar të PS-së ndaj njerëzve të zot për t’i shërbyer shtetit që po përpiqemi të ndërtojmë” tha Rama.