“Pa kordon” Një ditë pas tragjedisë në Himarë, motoskafi bën xhiro në mes të detit. Shokohen pushuesit (VIDEO)

Ngjarja e ndodhur dje në plazhin Potam të Himarës tronditi mbarë opinionin publik.

Efektivi i policisë Arjan Tase teksa po i jepte një motoskafi, përplasi për vdekje një vajzë 7-vjeçare e cila kishte ardhur me pushime në Shqipëri, pasi kishte lindur dhe jetonte në Kanada së bashku me familjen.

Ndërkohë duket se pavarësisht kësaj tragjedie, papërgjegjshmëria vijon të sundojë.

Një skenë skandaloze është parë sot në Gjirin e Lalëzit, ku një shofer motoskafi  lundronte në mes të detit, pa u shqetësuar fare se mund të rrezikojë jetën e pushuesve përreth.

Ligji në këto raste duhet të ndërhyjë, për të shmangur një makabritet të rradhës, ku të gjithë nuk duhet të themi më se përse nuk arritëm ta parandalonim, kur i kishim të gjitha mjetet, pavarësisht mosekzistencës së shtetit në jo pak raste.