Mes ovacionesh të shumta nga përkrahësit e PS-së, që ishin mbledhur para selia “rozë” kryeministri Edi Rama ka dal para mediave, nga ku e ka quajtur 30 qershorin si moment historik për Shqipërinë.
Sipas kryeministrit në këto zgjedhje fituan të gjithë shqiptarët dhe e kaluar u la pas një herë e mirë.
“Sot ishte 30 qershori i një Shqipërie që për shumë muaj përjetoi dramën e një përçarje të rëndë politike të frymëzuar dhe organizuar për të ndaluar ecjen tonë përpara në rrugën e normalitetit shoqëror dhe integrimin e popullit shqiptar në familjen e Evropës. Sot ishte dita e zgjedhjeve vendore të radhës që u kthye në ditëm kulmore të një përplasje historike mes të shkuarës dhe të ardhshmes, mes anti-shtetit dhe shtetit, mes politikës forcës dhe forcës së politikës, mes dhunës kërcënuese të së djeshme dhe shpresës së natyrshme të së nesërmes. Sot fitoi e ardhmja, shteti, fitoi qytetaria, fitoi shpresa, fitoi Shqipëria e nesërme, humbi me turp Shqipëria e djeshme e pa din dhe as iman. Faleminderit SHBA, BE-së. Kjo ishte një betejë e rëndë dhe absurde.”- u shpreh kryeministri.
Më tej ai ka shprehur falënderime për selite diplomatike në vendin tonë.
“Faleminderit dhe ndjesë kujtdo nga miqtë e huaj që u bënë objekt i suleve poshtë shtëpisë po ngrehinave e TV-ve. Pas pak hynë një ditë e re, që e gjen Shqipërinë të çliruar. Dita e re vjen e ngarkuar me sfidën e rëndë të kurimit të plagës së përçarja ka lënë pas.” – tha Rama.
