Pas tragjedisë në Himarë/ Policia në aksion, bllokohen disa mjete lundruese

Një aksion i gjerë i policisë ka nisur në bregdetin shqiptar për bllokimin e mjeteve lundruese të palicencuara.

Aksioni vjen vetëm pak orë pas tragjedisë së rëndë në plazhin e Potamit në Himarë, ku një ish-punonjës i policisë me gomone përplasi për vdekje një vajzë 7-vjeçare.

Ngjarja e rëndë tronditi mbarë opinionin publik dhe nxiti reagimin e krerëve më të lartë të politikës dhe institucioneve.

Raportohet se janë bllokuar dy motorë deti “jetski” në pronësi të shtetasit R.C si dhe një mjet tjetër lundrues është sekuestruar nga policia e Portit të Sarandës.

Lundrimi në det është bërë thuajse i pamundur për mjetet sportive si motorë deti dhe gomone gjatë gjithë pasdites së sotme.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern