Lezhë-Shkodër/ Makina përplaset me një kamionçinë, 4 persona të plagosur

Katër persona kanë mbetur të plagosur si pasojë e një aksidenti që ka ndodhur në rrugën Lezhë-Shkodër në afërsi të fshatit Blinisht.

Sipas Panorama në aksident janë përfshirë një autoveturë dhe një kamionçinë, ndërkohë bëhet e ditur se një nga të plagosurit është në gjendje më të rëndë.

Personat janë dërguar në Spitalin e Lezhës, ndërsa policia po punon për të zbardhur rrethanat dhe shkaqet e aksidentit.