Ish-Presidenti Ilir Meta, aktualisht kryetari i Partisë së Lirisë ka reaguar sërish për çështjen e përfshirjes së emrit të tij në dosjet e ish-Sigurimit të Shtetit.
Ai ironizoi kryeministrin Edi Rama duke publikuar në rrjetet sociale një foto nga revista “Në shërbim të popullit” të vitit 1983 ku është një karikaturë që mban autorësinë e kreut të qeverisë.
Meta thotë se Rama ishte karikaturisti i preferuar i Partisë së Punës përë shkrimet propagandistike kushtuar Sigurimit dhe spiunazhit.
Ish-Presidenti thotë se tani Rama është kryetari i bandës së inceneratorëve.
Postimi i plotë i Ilir Metës:
Partia e Punës e kishte Edi Ramën karikaturistin e preferuar të shkrimeve propagandistike kushtuar Sigurimit dhe spiunazhit.
Ndërsa Partia Socialiste e ka Edi Ramën, Kryetarin e bandës së inceneratorëve.
Pikërisht këtu do të fokusohemi dhe ne për të zbardhur grabitjet e tij galopante dhe për t’i dhënë ndëshkimin e merituar.
Në foto: (Karikatura e Edi Ramës në revistën “Në shërbim të popullit”, 10 tetor 1983).
