Nis seanca e sotme e jashtëzakonshme parlamentare për të votuar 3 dekretet e presidentit të ri Bajram Begaj për ndryshimet në qeveri.
Kreu i Grupit Parlamentar të Partisë Demokratike Enkelejd Alibeaj mori fjalën dhe akuzoi kryetaren e Kuvendit se po i ndërpret deputetëve të drejtën për të folur për ndryshimet e bëra nga kryeministri Edi Rama, ndërkohë që ditën e djeshme sipas tij e kishte telefonuar e pataksur për letrën anonime të Aurtoriteti të Dosjeve.
“Ministrat nuk janë ekip basketbolli, hiq një mbrojtës vendos një sulmues, janë njerëz që marrin topin që është fati i shqiptarëve. Sot ju s’keni asnjë të drejte për ti bërë shqiptarët të kuptojnë se kush po i qeverisë. Zonjë është e udhës që sot, tani në këtë seancë ju tu ktheni parlamentin deputetëve edhe shqiptarëve. Të dëgjojmë, të diskutojmë dhe të shqyrtojmë aktet e para të presidentit të republikës. Më thirrët dje në pikë të mëngjesit e pataksuar nga dosja e Autoritetit të Dosjeve. Autoriteti nuk e ka të drejtën të paraqesë kërkesë për ndryshim ligjor, por duhet që çdo procedurë ligjore të diskutohet. Por sot që ky Parlament duhet të diskutojë kontrollin e ndryshimeve në qeveri kok është e papranueshme. Ju keni detyrimin që sot në këtë parlament të drejtën e fjalëve t’ia jepni deputetëve. Se shqiptarët janë ulur sot para Parlamentit të që të shohin e dëgjojnë pse ka ikur njëri dhe ka ikur tjetrit”, tha Alibeaj.
