Ai është një nga gazetarët dhe moderatorët më të njohur në Shqipëri.
Bëhet fjalë për Arjan Çanin, i cili shkakton jo pak herë bujë me deklaratat.
Së fundmi, ai rrëfeu se si zgjodhi të bëhej gazetar dhe çfarë e ka shtyrë drejt medias.
“Me dy fjalë unë deri në moshën kur mbarova shkollën e lartë kam mbaruar për frëngjisht dhe gjëja e parë që doja ishte të shkoja në Francë dhe të mësoja gjuhën e rrugës. Doja të mësoja mënyrën e të folurit jo në ambiente akademike dhe atje kuptova se nëse kisha një pasion ajo ishte gjuha, të cilën e kam dashuruar. Doja thjesht të flisja, kam qenë llapaqen i paparë që i vogël dhe vajtja ime në Francë ishte kur të gjithë e kanë pasur të vështirë të shkonin. Vonë e kam kuptuar se kisha dy opsione ose të shkoja në Francë të mësoja gjuhën ose të futesha doganier në Gjirokastër dhe unë në atë kohë zgjodha gazetarinë dhe pse doganier tani mund të kisha shumë para, por mund të kisha rënë dhe në burg. Megjithëse këtu nuk bie në burg për vjedhje. Franca ka qenë një shkollë e madhe për mua, kam mësuar komunikimin, median. Ata kanë gazeta shumë të mira. Jeta në një vend tjetër është një shkollë më vete”., rrëfeu Arian Çani.
