3 minuta ka qenë minutazhi i atentatit ku mbeti i vdekur Klisman Preçi dhe i plagosur rëndë Ylli Ibrahimi. Mbi 100 plumba në 4 karikatorë janë derdhur drejt shënjestrave të cilët ndodheshin brenda në mjet.
Në momentin kur është qëlluar drejt mjetit të blinduar Preçi ka zbritur dhe ka tentuar të largohet me shpejtësi por breshëria e plumbave i ka marrë jetën. Edhe Ibrahimi ka tentuar të dalë dhe ka marrë një plumb në bark dhe një në këmbë, por është rifutur sërish brenda duke përfunduar i plagosur.
Mjeti i blinduar i ka shpëtuar jetën këtij të fundit, teksa Preçi nuk ka patur të njëjtin fat. Deri më tani nuk ka asnjë të dhënë mbi identikitin e autorëve.
