Ministria e Shëndetësisë jep shifrat: Pandemia në Shqipëri, ja sa raste të reja ka patur në 24 orët e fundit

Në 24 orët e fundit në vendin tonë janë shënuar 965 raste të reja me COVID nga 1984 testime të kryera në total. Ndërkohë kanë humbur jetën dy persona.

Janë 9,810 qytetarë aktivë me Covid19 në gjithë vendin. Aktualisht në spitalin COVID3 po marrin trajtim 30 pacientë.  Janë shëruar 843 qytetarë gjatë 24 orëve të fundit, duke e çuar numrin e të shëruarve në 291,553 që nga fillimi i epidemisë.

Rastet pozitive janë identifikuar në këto bashki: 412 në Tiranë, 89 në Fier, 81 në Durrës, 39 në Vlorë, 33 në Lushnje, 32 në Kavajë, 27 në Shkodër, 26 në Berat, 20 në Sarandë, 18 në Kamëz, nga 17 qytetarë në Divjakë, Dimal, 16 në Himarë, 13 në Vorë, nga 11 qytetarë në Lezhë, Krujë, nga 10 qytetarë në Gjirokastër, Tepelenë, 9 në Gramsh, 8 në Vau i Dejës, nga 7 qytetarë në Kurbin, Patos, nga 6 qytetarë në Tropojë, Mallakastër, Korçë, 4 në Përmet, nga 3 qytetarë në Malësi e Madhe, Shijak, Roskovec, Delvinë, Skrapar, Poliçan, nga 2 qytetarë në Fushë Arrëz, Selenicë, Libohovë, nga 1 qytetar në Pukë, Kukës, Has, Rrogozhinë, Dibër, Finiq.

“Nisur nga rritja e numrit të qytetarëve të prekur nga Covid19, Ministria e Shëndetësisë i bën sërish thirrje qytetarëve të mos neglizhojnë vaksinimin anticovid, posaçërisht në këtë periudhë të rritjes së kontakteve, për shkak të lëvizjeve përgjatë sezonit veror.

Çdo person mbi 12 vjeç, mund të vaksinohet në qendrat shëndetësore në të gjithë vendin. Gjithashtu MSHMS apelon të gjithë qytetarët e vaksinuar, që të drejtohen në qendrat shëndetësore, për t’u vaksinuar me dozën përforcuese.

Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

Nëse keni shenja të sëmundjes apo keni patur kontakt me një person të prekur nga Covid19, izolohuni menjëherë dhe kontaktoni mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127”, apelon MSH.

Statistika (24 Korrik 2022)

Raste të reja ditore            965

Të shëruar në 24 orë          843

Të shtruar në spitale            30

Humbje jete në 24 orë           2

Testime ditore                  1984

Testime totale               1,902,429

Raste pozitive                  304,890

Raste të shëruara              291,553

Raste Aktive                        9,810

Humbje jete                         3,527

Shpërndarja gjeografike e rasteve aktive sipas qarqeve:

Tiranë            5,734

Durrës                    738

Fier                                           698

Vlorë                                        560

Berat                                        414

Shkodër                                   385

Elbasan                    381

Lezhë                                        271

Korçë                                       259

Gjirokastër                             173

Dibër                                        136

Kukës                                         61