Skandali, KQZ publikon rezultatin e votimeve 7 orë përpara përfundimit të procesit

Ditën e sotme që në orën 07:00 të mengjesit ka nisur procesi i votimit për zgjedhjet vendore në të gjithë Shqipërinë, i cili pritet të zgjasë deri në orën 19:00.

Nga ana tjetër në faqen zyrtare të Komisionit Qëndror të Zgjedhjeve, është publikuar përpara kohe rezultati i votimeve, ndërkohë që ky rezultat duhet të dalë pas përfundimit të procesit zgjedhor.

Në foto duket rezultati paraprak i Bashkisë Mirditë, i shpallur 7 orë përpara kohe, por që KQZ e ka fshirë menjëherë pak minuta më pas.

Ende nuk dihet nëse ky është një gabim i sistemit, apo KQZ është duke bërë prova paraprake për procesin e rezultatit të votimeve.