Saimir Tahiri voton i shoqëruar nga familja, ‘thumbon’ ministrin Lleshaj: Pyesni Sandrin për këtë..

Ish-ministri Saimir Tahiri ka votuar sot në Parkun Olimpik të Tiranës i shoqëruar nga bashkëshortja dhe dy djemtë e tij.

Ai është shprehur se nuk do të dontë që e gjitha kjo rrëmujë për procesin zgjedhor të kishte ndodhur dhe në momentin që gazetarët e kanë pyetur nëse policia ka gabuar duke arrestuar disa persona, Tahiri është përgjigjur se për këtë duhet të pyesin ministrin Sandër Lleshaj.

Do ta respektoni ju dekretin e Metës për votime në 13 tetor?

Ka shumë kohë deri atëherë, unë sot votova

Ju jeni përfolur si rival i Veliajt, do donit të ishin në këtë garë?

Nuk ka lidhje

Ka pasur të arrestuar, mendoni se po gabon policia si po sillet?

Pyesni Sandrin për këtë, Sandrin ministrin por gjithsesi unë uroj që të shkojë gjithçka mirë, nuk e meritojnë njerëzit që të shohin tmerr në televizor, këto janë zgjedhje si ti administojmë më mirë qytetet.