“Jo votimeve komuniste” cili është fshati që bojkoton masivisht zgjedhjet e sotme

Teksa kanë kaluar më shumë se tre orë nga nisja e procesit të votimit, në Lazarat mësohet se deri tani i janë drejtuar kutive të votimit vetëm 10 qytetarë.

Në bashkinë Gjirokastër për zgjedhjet vendore 2019 garon vetëm një kandidat, Flamur Golemi nga Partia Socialiste e Shqipërisë, ndërsa opozita, njësoj si në 60 bashkitë e tjera, nuk merr pjesë

Në Njësinë Administrative në Lazarat qytetarët do të votojnë në 5 qendra votimi. 2734 votues kanë të drejtë vote në këtë Njesi Administrative, e cila njihet edhe si bastion i djathtë. Mbetet për t’u parë deri në përfundim të orarit zyrtar të votimit se sa do të jetë pjesëmarrja në këtë Njësi.

Ndërsa një ditë më parë, Lazarati u mbush me parulla nëpër rrugët e fshatit ku shkruhet “Jo më votime komuniste”, “Lazarati është Evropë, jo votimeve komuniste” .