Shkodër, procedohet penalisht kryebashkiakja Voltana Ademi

Kryetarja e Bashkisë Shkodër Voltana Ademi është proceduar penalisht në gjendje të lirë.

Mbi Ademin rëndon akuza për tentim të bllokimit të procesit zgjedhor.

Kujtojmë se në Shkodër janë zhvendosur disa qendra votimi, pasi Ademi nuk ka lejuar që të hapen dyert e institucioneve, shkolla, ku ishte programuar vendosja e materiale të votimit.

NJOFTIMI ZYRTAR I POLICISE 

Shkodër

Procedohet Kryetarja e Bashkisë Shkodër Voltana Ademi, për veprën penale “Pengimi i zgjedhësit”, pasi duke ushtruar funksionin dhe autoritetin e saj si Kryetare e Bashkisë Shkodër, ka urdhëruar me shkrim punonjësit e kësaj bashkie, të mbyllin disa Qendra Votimi (shkolla), të cilat janë në pronësi të Bashkisë Shkodër, konkretisht 53 Qendra Votimi.

Materialet hetimore u referuan në Prokurorinë e Rrethit Gjyqësor Shkodër për vepren penale: “Pengimi i zgjedhësit”, parashikuar nga neni 330/1/2 i Kodit Penal.