Ndërkohë që procesi i zgjedhjeve vendore ka nisur në orën 07:00 të mëngjesit në 61 bashki të vendit, nga ana tjetër Partia Demokratike ka publikuar ku pretendohet se Partia Socialiste po jep para në këmbim të votës.
Ka qenë Edi Paloka, i cili i ka komentuar këto pamje, ku sipas tij është një grup i strukturuar kriminal nga PS dhe Bashkia e Tiranës, të cilët japin para në këmbim të votës.
“Video tregon qartë dhënien e parave për blerjn e votave nga një grup i strukturuar krininal nga PS dhe bashkia e Tiranës.
PD ka arritur të identifikojë vetëm njërin prej tyre është Edmond Hajro komisiner i PS në Njësinë.9, është edhe administratori i një pallati. Të nderuar qytetarë të Tiranës dhe gjithë Shqipërisë mbajeni mend mirë këtë video, kjo është fytyra e Ramës dhe Veliajt. Gjëja më e mirë që mund të bëni sot është të bojkotoni Ramën, bashkohuni me protestat”, tha Paloka.
