Zv.kryeministri Erion Braçe ka qenë I pari nga qeveria që ka votuar për zgjedhjet lokale të 30 qershorit. Braçe ka ushtruar të drejtën e votës në Qendrën e Votimit tek Liceu Artistik që në momentet e para të hapjes së tyre.
Ai iu bëri thirrje qytetarëve që të dalin dhe të marrin pjesë në këto votime. Numri 2 i qeverisë deklaroi se është shumë e rëndësishme që zgjedhjet po zhvillohet në datën e caktuar dhe iu kërkoi komisionerëve që të zbatojnë ligjin.
“Ka që nga data 1 janar që përpjekja është t’iu ndalohet qytetarëve e drejta për të votuar, jo për të marrë pjesë. Kështu që siç e shihni zgjedhje ka, zgjedhjet po bëhen në datën e caktuar. Kjo është e rëndësishme. Zgjedhjet i delegjitimon mungesa e standardit. Thirrje të gjithë komisionerëve kudo që janë të zbatojnë vetëm ligjin” u shpreh Braçe.
