Meta i indinjuar: Krimi ka kapërcyer çdo imagjinatë, koha nuk pret më

Presidenti Ilir Meta, ka akuzuar qeverinë duke thënë se krimi ka kapur shtetin.

Përmes një postimi në “Facebook”, Meta shkruan se krimi dhe kapja e shtetit ka kapërcyer çdo imagjinatë, ndërkohë që për të marrë pensionet pensionistëve u kërkohet që të paraqiten fizikisht.

Sipas kreut të shtetit, vetëm lufta e hapur kundër kapjes së shtetit dhe korrupsionit parandalon falimentimin e Shqipërisë.

“Krimi dhe kapja e shtetit ka kapërcyer çdo imagjinatë. Ndërsa për të marrë pensionin u kërkohet pensionistëve që të paraqiten fizikisht për të provuar se janë gjallë, miliona euro të taksapaguesve tanë grabiten nga mafia e inceneratorëve me firma të falsifikuara të qytetarëve, që janë ndarë nga kjo botë prej 5 vitesh.

Vetëm lufta e hapur kundër kapjes së shtetit dhe korrupsionit parandalon falimentimin e Shqipërisë.

Koha nuk pret më!”, shkruan Meta.