Socialistëve nuk u del e keqja me protestën e PD-së, Balla: U bë qesharake!

Protesta e mbajtur nga Partia Demokratike, e drejtuar tashmë nga Sali Berisha, nuk ka kaluar nën heshtje nga socialistët  Kreu i grupit parlamentar të PS-së, Taulant Balla ka reaguar pas dy ditëve nga tubimi.  Nga Fieri, atje ku është drejtor qarku, Balla tha se historia e protestës është bërë qesharake. Mes të tjerash ai shtoi se ndjen keqardhje të madhe që në krye të PD është një non-grata.

“Historia e protestës u bë pak qesharake. Sepse e para nuk e kuptoj që një parti që mbledh 7-8 mijë veta në një shesh edhe thotë ‘ndryshimi i kursit’. Të kujt ? Të tyre? Është puna e tyre. Është keqardhje e madhe që në krye të PD sot është një person non grata i shpallur nga SHBA. Në vendin më pro amerikan, siç është Shqipëria.

Mirënjohje më të madhe ndaj SHBA se jemi dhe në 100-vjetorin e marrëdhënieve diplomatike, në krye të PD është një non grata për korrupsion të nivelit të lartë dhe për minim të demokracisë.”, tha Balla.