Një ngjarje e rëndë ka ndodhur sot në fshatin Remas të Divjakës.
Mësohet se një djalë ka mbytur babain e tij të moshuar.
Burime të sigurta thanë se si fillim djali është grindur me babain dhe pasi e ka goditur të atin me grushte më pas e ka mbytur atë me duar.
Po ashtu bëhet e ditur së ngjarja ka ndodhur për motive banale.
Autori, Andrea Stasa, 58 vjeç, në momentin që është kapur nga policia ka qenë në gjendje të dehur. I moshuari, Mitër Stasa, jetonte me dy djemtë e tij, të cilët thuhet se janë të sëmurë mendor, dhe me kartelë.
Sipas informacioneve Andrea Stasa është person me precedent të mëparshëm penal, pasi ka bërë 13 vite burg në të kaluarën.
NJOFTIMI ZYRTAR I POLICISE
Sot më datë 06.07.2022, është gjetur në banesë pa shenja jete dhe me shenja dhune, shtetasi M. S., 85 vjeç, banues në Remas, Divjakë.
Nga hetimet paraprake autor i dyshuar i vrasjes së 85-vjeçarit dyshohet se është djali i tij, shtetasi A. S., 58 vjeç, i cili dyshohet se për motive të dobëta e ka mbytur.
Eshtë shoqëruar në Komisariatin e Policisë Divjakë shtetasi A. S., dhe po punohet për zbardhjen e rrethanave të ngjarjes.
