Kati i parë i spitalit Rajonal të Fierit është përfshirë nga flakët e zjarrit. Flakët kanë rënë në repartin e imazherisë, te makineria e larjes së filmave për grafi e më pas është përhapur në dhomë. Të gjithë pacientët janë evakuuar dhe kanë dalë jashtë nga frika.
Ende nuk dihet nëse ka pacientë të lënduar nga flakët e zjarrit. Ndërkohë në vendin e ngjarjes kanë mbërritur forcat zjarrëfikëse dhe efektivët e policisë.
Fier/ Informacion paraprak
Sot, rreth orës 10:00, në spitalin Rajonal Fier, në repartin e grafisë, ka rënë zjarr.
Në vendngjarje kanë shkuar shërbimet e Policisë dhe shërbimet zjarrfikëse të cilët bënë të mundur fikjen e zjarrit.
Nuk ka persona të dëmtuar.
Grupi hetimor po punon për zbardhjen e shkakut të rënies së zjarrit.
