LIGJET E BIZNESIT
Pasi seanca e tij gjyqësore për çështjen “Babale” u shty deri më 18 korrik, deputeti i Partisë Demokratike Ervin Salianji u shpreh se gjithmonë kur kërkohet drejtësi ekzistojnë vonesat dhe sorollatjet.
Ai deklaroi për mediat se që në momencin e denoncimit kishte prova mbi Agron Xhafën por organet ligjzbatuese nuk kryenë asnjë hetim pasuror për të apo ish-ministrin Fatmir Xhafa.
Salianji tha se nuk do të ndalet derisa të marrë përgjigje nga instancat gjyqësore.
Salianji: Siç e ndoqet isha i vetmi që ndodhesha në séance, seanca u shty deri me 18 korrik, vonesat dhe sorollatjet në sistemin e drejtesise janë të pranishme, duke marrë parasysh edhe hartën e re gjyqëore.
Unë kam paraqitur prova për pafajësinë time ndërkohë që gjyqësori dhe prokuroria do duhet të provonin fajësinë. Kam bërë një denoncim publik për një të dënuar që rrinte i lirë në Shqipëri me mbrojtje nga vëllai i tij ish-ministër.
Donin të fusnin dhe dëshmitarë të rremë, Agron Xhafa i ka marrë paratë e veta nga qeveria. Është dhe një personazh tjetër si Agron Hyseni që donin ta fusnin si dëshmitar të rremë, nuk u kuptua pse ishte dhe zëri është i ngjashëm me atë të denoncuarit prej meje dhe nga PD. Të nesërmen e denoncimit, prokuroria nuk u mor me atë por me denoncuesit dhe gazetarin investigativ.
U faktua plotësisht ajo që ne denoncuam në atë kohë dhe u përfshirja politike për të mbrojtur krimin, sot e kësaj dite mund ta komunikoni, nuk ka ende një hetim pasuror për Fatmir Xhafën, duket se ligji nuk është i barabartë për të gjithë, mjafton të kesh pushtet e të jësh i PS-së.
1 milion herë do ta denoncoja, ai është rast klasik i krimit dhe nuk bëhet kallëzim i rremë nëse nuk njoh personat. Alizoti nuk ka komunikuar asnjëherë me mua, çështjen do ta çoj në të gjitha instancat gjyqësore.
