Një sherr masiv ka ndodhur mes një grupi të rinjsh nga Britania dhe atyre nga Portugalia, në një qytet turistik në rajonin Algarve në Portugali.
Gjithçka ndodhi në kafiterinë Aloha që gjendet në rrugën kryesore në Praia da Rocha, dhe është “bombarduar” nga karriget e plastikës dhe gjësendet e ndryshme, që fluturonin mbi kokat e të rinjve, raporton “DailyMail“.
Siç raportojnë mediat lokale gjithçka filloi kur grupi i britanikëve u përplasen verbalisht me një klan lokal, dhe për ta qetësuar situatën është dashur të ndërhyjë sigurimi dhe shumë banorë të asaj lagjeje.
