Vijojnë të jenë prezente edhe këtë të mërkurë masat ajrore me origjinë Afrikane duke diktuar në vendin tonë mot të kthjellët dhe të nxehte gjatë paradites.
Sakq, në pjesën e dytë të ditës do të kemi kalim të vranësirave nëpër të gjithë territorin e vendit ku më të theksuara vranësirat pritet të paraqiten në zonat veriore dhe verilindore.
Sipas Meteoalb, parashikohet që orët e mbrëmjes të vijojnë nën dominimin e motit të kthjellët dhe tepër të nxehtë.
Temperaturat e ajrit do të rriten në mëngjes dhe në mesditë duke luhatur vlerat ditore nga 16°C deri në 39°C.
Era do të fryjë mesatarisht me shpejtësi 35 km/h nga drejtimi Jugore duke krijuar në brigjet detare dallgëzim mbi 2 ballë.
