Ish-kryebashkiaku i Dibrës, Muharrem Rama është thirrur sot në SPAK, ku është marrë në pyetje. Lajmi është bërë i ditur nga gazetarja Klodiana Lala.
Siç shihet edhe nga fotoja, Rama futet në ambientet e Gjykatës së Posaçme, ndërsa nuk dihet se për çfarë do të merret në pyetje.
Muharrem Rama mori detyrën e kryebashkiakut të Dibrës më shtator të vitit 2016-të, ku zëvendësoi Shukri Xhelilin, të shkarkuar pas publikimit të videoskandali ku i kërkonte favore seksuale një vartëseje të tij në bashki në këmbim të një vendi pune më të mirë.
Ai është mjek me profesion dhe prej tij pati mjaft pritshmëri në momentin e marrjes së detyrës për shkak se kishte edhe mbështetje të madhe edhe prej ekzekutivit.
