LIGJET E BIZNESIT
Kryetari i Dhomës Amerikane për Tregtinë, Enio Jaçe ka propozuar këtë të hënë një plan masash dhe ligjesh që duhet të ndërmerren nga qeveria në mënyrë që përmirësohet klima e biznesit në vend dhe të ulet korrupsioni që ndeshen firmat e huaja që kërkojnë të ushtrojnë aktivitetin këtu.
Jaçe në paketën e paraqitur, u ndal dhe te pastrimi i parave. Ai e vuri theksin tek digjitalizimi i ekonomisë dhe ulja e pagesave cash, pasi do të ndikonin drejtpërdrejtë në uljen e fenomenit të pastrimit të parave.
“E 6-ta dhe 7-a ka të bëjë më krijimin e hapësirave për rritjen e produkteve që mund të shiten për eksport. Ne kemi propozuar një sërë masash për arritjen e këtij potenciali. Mendojmë se diaspora dhe e-Commerce mund të ndikojnë në arritjen e këtyre objektivave. E 7-a është ekonomia digjitale e cila është e pandashme nga ekonomia. Mendojmë se Shqipëria duhet të ketë ligje më bashkohore. Firma digjitale është një gjë që duhet të funksionojë jo për një përqindje të vogël popullsisë. Sa më shumë njerëz do të kishin të drejtë të përdornin firmën digjitale, aq më shumë do të përhapej ekonomia digjitale.
Ne mendojmë se duhet të ketë kufizime ndaj pagesave cash, pasi do të sillte një mbështetje në përpjekjet që bëhet kundër pastrimit të parave.
E 8-a dhe shumë e rëndësishme, është përmirësimi dhe rritja e aftësive të fuqisë punëtore. Ky është një hendek, dhe po ndodh në të gjithë botën, por në Shqipëri është më e theksuar.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kemi një sërë propozimesh si sektori publik të punojë me sektorin privat që të ngushtohet ky hendek Kjo do të ndikonte dhe në uljen e emigracionit të të rinjve”, tha Jaço.
