Ka përfunduar samiti i Bashkimit Europian në Bruksel.
Mësohet se zyrtari i lartë Michek ka deklaruar se prioritet do të kenë bisedimet me Shqipërinë dhe Republikën e Maqedonisë së Veriut.
Pas pak do të dalin në konferencë për shtyp kryeministri Rama, Vuçiç dhe Kovaçevski.Bëhet me dije se është anuluar konferenca për shtyp mes Macron, Von der Leyen dhe Michel.
Kryeministri Edi Rama është shfaqur i nervozuar gjatë kohës që liderët po bënin foton familjare në samitin e BE-së. Fillimisht Rama ishte në krah të presidentit të Këshillit Evropian, Charles Michel dhe presidentja e Komisionit Europian Ursula Von der Leyen.
Rama duket sikur po i kërkon pikërisht shpjegim për rezultatet e takimit Michelit, ndërsa më pak i kërkon ‘llogari’ edhe presidentit francez Emmanuel Macron.
Macron duket sikur vijon të ketë vëmendjen drejt fotos, por Rama vijon t’i flasë mesa duket i pakënaqur edhe nga presidenca franceze në BE.
Para momentit të fotografimit, shihet në katin e tretë të podiumit kryeministri bullgar në largim Kiril Petkov, i cili përpiqet t’i thotë diçka Ramës, i cili nuk i kushton vëmendje.
