“Vajza ndodhet në presion të madh” Ekzekutimi i të riut për xhelozi, flet nëna e 18-vjeçares

Nëna e 18-vjeçares M.P që akuzohet se eshte bere shkak i sherrit dhe vrasjes se 26-vjeçarit Martin Çeço në një fshat të Maliqit ka treguar se e bija e saj adoleshente është në një gjendje presioni nga policia.

Këtë e ka konfirmuar drejtuesja e emisionit “Me zemër të hapur” Evis Ahmeti.

“Është në një presion të madh psikologjik 18-vjeçarja tregon nëna për shkak të presionit që policia po ushtron në ambientet e komisariatit”, tha Ahmeti e cila tregoi më pas se redaksia e emisionit ka një video që e ka filmuar Martin Çeço.

“Vetë viktima familjarët e tij na kanë vënë në dispozicion një video që gjendet në telefonin celular të viktimës, por nuk e jap dot pa më konfirmuar dhe 18 vjeçarja a është protagoniste ajo apo jo.

Këtë video e ka kryer viktima duke treguar një vajzë që punon në byrektore.

Ne kemi pyetur vajzën a ke qenë në këtë byrektore dhe a ka punuar ndonjëherë aty dhe e mohon. Por ajo s’ka mohuar atë marrëdhënie që ajo ka pasur me Bledi Angjos, me një prej të dyshuarve”, tha Ahmeti.