Kryeministri Edi Rama prej ditës së djeshme ndodhet në Kosovë.
Ai ka vizituar familjen e ish-presidentit Hashim Thaçi.
Teksa sot pati një mbledhje të përbashkët të qeverisë së drejtuar prej tij dhe asaj të drejtuar nga Albin Kurti, Rama dje gjeti kohë që të vizitonte edhe disa prej sipërmarrjeve kosovare.
Gjatë ndalesës në një kompani në qytetin e Gjakovës, kryeministrit iu bë një dhuratë e pazakontë.
Ai mori me vete një dyshek të personalizuar me firmën e tij dhe dy flamujt, atë të Kosovës dhe të Shqipërisë, të stampuar në njërin krah të dyshekut.
