Autori i dyshuar për vendosjen e tritolit në dyqanin e 58-vjeçarit Shaban Aga orët e para të mëngjesit të sotëm në Durrës është Dardan Kadiu, 31-vjeç nga Burreli.
Policia bën me dije se ngjarja dyshoohet se ka ndodhur për shkak të një konflikti të mëparshëm mes tyre.
Uniformat blu po punojnë për zbardhjen e rrethanave.
Aga ndodhej i vetëm në shtëpi, e cila ndodhet pranë dyqanit të tij ku ndodhi shpërthimi, në momentin e ngjarjes.
Ai u shpreh për mediat se me personin në fjalë ka pasur një debat disa muaj më parë, dhe në lidhje me këtë gjë i është drejtuar policisë.
Megjithatë, Aga theksoi se përgjatë këtyre muajve është bërë shënjestër e disa sulmeve të tjera ku ndër to dy herë me benzinë në automjetin e tij dhe dy herë me armë zjarri, por ende policia nuk ka arrestuar asnjë person.
Ai paralajmëroi se në rast se drejtësia nuk do të bëjë punën e saj, do të marrë masa ndaj autorëve.
