LIGJET E BIZNESIT
Aksidentet me linjat e urbanëve në Tiranë nuk kanë të ndalur. Mbrëmjen e sotme, një autobus i linjës së Kombinatit është përfshirë nga flakët. Qytetarët e kanë raportuar ngjarjen për JOQ ALBANIA, ku kanë dërguar edhe fotot e autobusit që shihet në tym.
Në mesazhin e dërguar, qytetarët shprehet ndihen me fat që dolën në kohë nga autobusi para se të digjeshin të gjallë brenda.
“Jam 1 qytetar qe isha ne autobusin e kombinatit shekullor dhe mori flak, jemi me fat qe su dogjem te gjalle,”- thuhet në mesazh.
Për ngjarjen në fjalë nuk ka ende një njoftim nga ana e Policisë së Tiranës. Nuk dihen shkaqet që kanë bërë që urbani të marrë flakë. Muajt e fundit janë shoqëruar me të paktën katër aksidente me autobusët e linjave urbane. Më i rëndi është i 28 prillit, ku urbani përfundoi në lumin Lanë bashkë me një makinë tjetër.
