LIGJET E BIZNESIT
Ministrja e Turizmit dhe Mjedisit Mirela Kumbaro ka bërë me dije se do të vijohet me reduktimin e kategorive të tjera të plastikës, siç janë shishet, pjatat e gotat plastike.
Ps heqjes nga qarkullimi të qeseve plastike njëpërdorimshme, ajo tha se ky hap do të merret njëjtë me direktivat e Bashkimit Europian.
“Ndalimi qeseve është vetëm hapi i parë, ne do vijojmë me reduktimin e të tjerave kategorive plastike siç janë shisheve plastike, gotat plastike, pjatat plastike do jemi në zbatim të direktivave europiane që e kanë bërë të detyrueshme nxjerrjen nga qarkullimi. Duke pasur parasysh që kjo nuk bëhet menjëherë, kjo ka një lloj gradualiteti. Kjo masë e parë është e rëndësishme, hapat e tjerë do jenë më të lehta se do të fillojë edhe shoqëria ta kuptojë”, tha ministrja.
Ministrja u ndal edhe në ndalimin e qeseve njëpërdorimshme ku theksoi se nga 1 korriku do të nisin gjobat për bizneset që ende i japin. Kumbaro tha se janë të vetëdijshëm që janë ende në treg, por kanë zgjedhur që muaji qershor të jetë për informimin e tregtarëve e qytetarëve, pasi është e rëndësishme që ata të ndërgjegjësohen, por duke theksuar se nga muaji që vjen do të ndëshkohen me 1.5 milionë lekë të gjitha ata që shkelin këtë ligj.
“Ka dy javë që kjo iniciativë është futur në fuqi. Shoqëruar me një fushatë ndërgjegjësimi që do e vazhdojmë çdo ditë. Pjesa më delikate është informimi i gjithë segmenteve të popullsisë, klientëve, tregtarëve, prodhuesve të qeseve plastike. Qeset plastike njëpërdorimshme janë ndaluar përfundimisht, janë lënë në qarkullim vetëm qese që janë paracaktuar një madhësi të tillë, që i jep qeses rezitencë dhe e bën disapërdorimshme. Klientët të mos blejnë qese, se ato përdoren disa herë. Zgjidhja është çanta tekstili që nuk e ndotin tregun. Jemi të vetëdijshëm që janë ende në treg. Nga 1 korriku fillojnë gjobat, ky ishte muaji i parë patëm një kërkesë nga operatorët për ta përdorur muajin qershor si muaj informimi dhe monitorimi të tregut. Dje vendosëm të kalojmë në fazën e dytë të kontrollit, inspektimeve dhe ndëshkimit të shkelësve të ligjit, qoftë për ata që i prodhojnë qeset e ndaluara, importojnë, por sidomos për ata që i tregtojnë”, tha Kumbaro.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
