Nuredin Dumani kishte marrë porosi ta v riste, merret në mbrojtje zyrtari i lartë i policisë

Merret në mbrojtje oficeri i policisë me iniciale K.G, për shkak se një foto e tij është gjetur në celularin e Nuredin Dumanit.

Kjo ka shtyrë hetuesit të dyshojnë se ndaj tij mund të kishte porosi për atentat.

Aktualisht ai është me detyrë në Drejtorinë e Përgjithshme të Policisë si specialist.

Ndërsa, më parë, zyrtari i lartë ka mbajtur detyrën e Shefit të Seksionit të vrasjeve në Policinë e Elbasanit në vitet 2019-2020.

Nuredin Dumani është një nga emrat më të përfolur në botën e krimit, i cili u arrestua mbrëmjen e 29 marsit të vitit 2022 në Fier, pak pasi kishte marrë mjekim për plagosje në shpinë nga tre mjekë në një shtëpi private.

Ai është cilësuar si një nga personazhet më të rrezikshëm në Shqipëri, i akuzuar për një seri ngjarjesh kriminale dhe tashmë ka dëshmuar në lidhje me disa nga krimet që ka kryer.