“Ti më bën të dal nga vetja” Pas sherrit të bujshëm, drejtori i Policisë së Lezhës përballet me punëtorin

Sot në emisionin “Shqipëria Live” janë përballur dy protagonistët e një ngjarjeje në Lezhë.

Ata janë drejtori i Policisë së Lezhës Leonard Pali dhe sipërmarrësi Ded Bukaqeja.

Tre punonjësit e këtij të fundit akuzojnë Palin se i ka ofeduar rëndë dhe madje njërin prej tyre e ka dhunuar.

Këto akuza i ka hedhur poshtë Pali, duke pretenduar të kundërtën. Teksa ishte në një lidhje telefonike, ai tha se e gjithë kjo “është inskenim i Dedës”.

Përballja e Bukaqejës dhe Palit:

Bukaqeja: Nuk ka faj i shkreti, është viktimë. Je kokrra e viktimës

Pali: Nuk jam viktimë, jam në krye të detyrës. Ai e di shumë mirë se punëtorët kanë marrë lopatat për të goditur

Bukaqeja: Është gënjeshtër. Janë tmerruar kosovarët. Ka edhe filmime

Erjona Rusi: Ka video?

Bukaqeja: Zoti Palë atë punë ka. Aty kanë qenë mbi 100 pushues të cilët janë tmerruar. Turp t’i vijë për veprimet që ka bërë. Nuk e kam ofenduar, nuk i kam thënë asgjë. Fliste fjalët më banale që mund të thoshte një halabak rruge.  Forcat e Bashkisë kanë kaluar çdo kompetencë. Kanë sharë, kanë dhunuar fizikisht. Bluzën kush ia shqeu. Ka pamje.

Erjona Rusi: kanë bërë pushuesit video?

Bukaqeja: I keni edhe ju

Erjona Rusi: Ne nuk i kemi. Nëse i gjeni, nesër i tregojmë.

Bukaqeja: Nuk i kam, i kanë televizionet që e kanë marrë në intervistë personin e dhunuar. E ka ndihmuar me u çu në këmbë.

Pali: Punëtori ka qenë në këmbë.

Bukaqeja: Po ja fut kot, se po më bën të dal nga vetja. E dimë se si je në punë. Ti nuk e meriton rrogën nga taksat ton

Pali: Ato janë personale

Bukaqeja: Ti nuk ke as arsimin për të qenë aty. 4 klasë shkollë ke.