Sunny Hill Festival nuk do të mbahet në Prishtinë. Për këtë kanë bërë të ditur sot organizatorët e tij.
Dukagjin Lipa, babai i Dua Lipës dhe organizator dhe themelues i Sunny Hill Festival, reagoi më herët më anë të një letre ku bënte të ditur anulimin e mbajtjes së festivalit në Prishtinë dhe zhvendosjen e tij për në Tiranë.
E pas këtij lajmi ka ardhur edhe reagimi i këngëtares se njohur kosovare.
Ajo me anë të një postimi në Story të Instagramit.
“Data e njëjtë, përvoja të njëjta të mrekullueshme, lokacion i ndryshëm! Sunny Hill Festival do të lëvizë në Tiranë”, ka postuar lajmin e faqes zyrtare të Sunny Hill Festival, Dua Lipa në Storyn e saj të Instagramit.
Anulimi i Sunny Hill në Prishtinë dhe zhvendosja e tij në Tiranë ka shkaktuar furtunë në Kosovë, si mes politikanëve, ashtu dhe mes përfaqësuesve vendorë dhe figurave të njohura.
