“O derdimenë” Revoltohet Mentor Kikia, publikon fotot: Mos e shkatërroni këtë vend më shumë

Gazetari i njohur Mentor Kikia është shprehur i shqetësuar në lidhje me përshtatshmërinë që duhet të kemi ndaj ndryshimeve të klimës.

Ai bën thirrje që ky vend të mos shkatërrohet më shumë.

Konsultohuni me shkencën o derdimenë, mos e shkatërroni me tej këtë vend!

Dy fotot e para i përkasin pasojave që shkaktoi shiu i javës së kaluar, ku në një ditë rrebeshet shkarkuan “retë” e disa muajve. Kudo pati vërshime dhe dëme.

Këto janë pasojat e ndryshimeve të klimës, edhe pse ka shumë skeptikë që nuk e besojnë këtë teori. Por ne duhet të ndryshojmë mënyrën se si ndërtojmë, duke forcuar standardet, për ti bërë ballë këtij armiku të ri.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Dy foto e tjera i përkasin një fshati në Pukë(huazuar nga Sazan Guri).

Ato tregojnë sesi projektet masive të HEC-eve, kanë tharrë cdo kapilar të maleve, duke i futur përrenjtë nëpër tuba.

Pasoja: Përrenjve u devijohet rrjedha, ata thahen. Por ata përrenj mbajnë gjallë komunitetet e njerëzve nëpër fshatra, mbajnë gjallë bagëtitë, kafshët e egra, zogj e insekte, bimësi dhe cdo gjë të gjallë që ka nevojë për ujë.

Banorët anembanë maleve e kodrave protestuan, por në fund u dorëzuan. Oligarkët janë shumë të fortë.

Ndryshimet e klimës e kanë reduktuar rezervën ujore. Ngaqë shiu bie jo i shtrirë në kohë dhe me rrebeshe, toka nuk absorbon mjaftueshëm. Përrenjtë dhe lumenjtë gjatë verës zvogëlojnë në mënyrë drastike rrjedhën. E ardhmja e afërt është edhe më e zymtë.

Por në Shqipëri asnjë qeveri nuk konsultohet me shkencën. Ato firmosin projektet e oligarkëve dhe ndërtojnë HEC pa asnjë studim, se me cfarë do të punojnë këta HEC-e në një të ardhme të afërt.

Padyshim, ata në të sëmës shkofshin, por po dëbojnë njerëzit e fundit nga vendbanimet në zonat rurale, që kishin rezistuar deri tani.