Të jetosh në momentin e tanishëm është një mrekulli. Mrekullia nuk është të ecësh mbi ujë. Mrekullia është të ecësh në Tokën e gjelbër në momentin e tanishëm, të vlerësosh paqen, bukurinë dhe çdo gjë që është e disponueshme tani.
–Thich Nhat Hanh, Prekja e Paqes: Praktikimi i Artit të të jetuarit të ndërgjegjshëm
Jeta shpaloset në momentin aktual, dhe kështu të qenit i përqendruar në të tashmen është thelbësore për një jetë të shëndetshme. Megjithëse kjo këshillë është e urtë, ka më shumë për të jetuar jetën në maksimum. E vërteta është se do të ishim budallenj të injoronim të kaluarën dhe të ardhmen. Ka mësime për të mësuar nga e kaluara dhe një dritë udhëzuese e ofruar nga e ardhmja. Pra, është mirë që këshillat për të jetuar momentin të mos i merrni shumë fjalë për fjalë.
Me këtë në mendje, ju mund të përdorni në mënyrë strategjike mendimet për të kaluarën dhe të ardhmen për të krijuar lumturi më të madhe tani.
E shkuara
E kaluara ofron një thesar mësimesh…nëse dini si t’i gjeni ato. Kur reflektoni mbi përvojat në jetën tuaj, pyesni veten: Çfarë mësova nga kjo? Pastaj përdorni atë që zbuloni për të informuar vendimet e së sotmes dhe të së nesërmes. Për shembull, kujtimet e aksidentit me makinë që keni pasur vitin e kaluar për shkak të dërgimit të mesazheve gjatë ecjes me makinë, mund të jenë një kujtesë e fuqishme për ta mbajtur telefonin tuaj larg kur i jepni makinës.
Por është e rëndësishme të shmangni rënien në grackën e riprodhimit pafund të së shkuarës, ndoshta të paaftë për të hequr qafe keqardhjet ose të zhytur në dëshirën për një përvojë të mrekullueshme që nuk mund të përsëritet. Mund t’ju lërë të paaftë nga vetëkritika dhe depresioni. Në këto situata, ridrejtohuni në të tashmen. Sigurisht, kjo ndonjëherë mund të duket si një detyrë thuajse e pamundur, por ja që është e realizueshme.
E ardhmja
E ardhmja nuk është shpalosur ende, dhe kështu mendimet tuaja për të bazohen në imagjinatën tuaj. Çdo shpresë apo ëndërr mund të veprojë si Ylli juaj i Veriut, duke udhëhequr vendimet tuaja aktuale dhe duke motivuar veprimet tuaja. Sidoqoftë, është më mirë të shmangni përpjekjet shumë të mëdha për të parashikuar të ardhmen ose “ta bëni atë të ndodhë”. Ju e dini se po “përpiqeni shumë” kur nuk arrini të vlerësoni të tashmen, ndërsa jeni shumë të shqetësuar për atë që “mund të jetë”.
Ju do të përfitoni më së shumti nga e kaluara, e tashmja dhe e ardhmja kur të mund të lëvizni me mjeshtëri mes tyre. Për shembull, ndërsa jeni në humor të keq për shkak të disa gabimeve në punë (të tashme), mund të mbani mend raste të tjera kur jeni ndjerë në mënyrë të ngjashme dhe se si kalimi i kohës me miqtë ju ka ndihmuar të ndiheni më mirë (e kaluara). Duke kuptuar se do të preferonit të jeni të lumtur (të ardhmen), ju telefononi disa miq dhe bëni plane (e tashme). Ndërsa ecni gjatë ditës, në fillim ndiheni sikur po rëndoheni, por më pas ndërsa kaloni kohë me miqtë, ndiheni më të lehtë dhe më të lirë për të shijuar kohën së bashku.
Megjithëse mund të shikoni në të kaluarën për mësime dhe të ardhmen për frymëzim, ju në fakt mund të jetoni vërtet vetëm në të tashmen. Kënaqësia për të kaluar kohë me miqtë, ndoshta duke shijuar vaktin tuaj të preferuar me ta, ndodh në momentet e të jetuarit të atyre përvojave. Reflektimi i tyre më vonë mund të jetë i këndshëm dhe madje një motivim për t’i përsëritur ato në të ardhmen. Por vetëm e tashmja ju ofron përvoja të plota në moment. Dhe kjo, siç është vërejtur me mençuri nga budisti i njohur Thich Nhat Hanh, është një mrekulli që mund të krijoni në jetën tuaj.Anabel
