Edhe pse ngjarja ka ndodhur në orët e para të mëngjesit dhe u duk se policia i kishte marrë të gjitha provat në vendngjarje pas largimit të saj, në këto momente janë rikthyer forcat e policisë dhe asaj kriminale në vendin ku u gjet trupi i pajetë i viktimës Petraq Gjika, 67 vjeç.
Forca të shtuara policie po rishikojnë vendin ku u gjet trupi i pajetë, midis tyre edhe ekspertë të policisë kriminale. Policia po kontrollon sërish në koshin e mbeturinave, në kabinë dhe në zonën përreth.
Policia u largua rreth 1 orë më parë, duke e lëne vendngjarjen të lirë por mesa duket, detaje të munguara kanë bërë që ekspertët të rikthehen në vendin e ngjarjes.
