Një krim i trefishtë ka tronditur Italinë, ku një shtetas me origjinë boshnjake, 42-vjeç, ka vrarë ish-gruan e tij, partneren aktuale dhe më pas veten.
Ngjarja e rëndë ka ndodhur në Vinenza, ku shtetasi Zlatan Vasiljevic vrau me 6 plumba ish-gruan Lidia Miljkovic, me të cilën kishte dy fëmijë, dhe më pas qëlloi në kokë partneren e re, një shtetase nga Venezuela.
Në fund, ai qëlloi me plumb në gojë brenda makinës edhe veten e tij, ndërkohë që në mjet u gjetën dhe lëndë shpërthyese.
Vrasja e Lidias
Gruaja sapo kishte hipur në makinë pasi kishte shoqëruar dy fëmijët e saj në shkollë. Ish-bashkëshorti i saj, vrasësi i dyshuar, me origjinë boshnjake, dyshohet se filloi të qëllonte ndërsa ajo ishte në makinë dhe më pas e përfundoi krimin kur ajo doli.
Më pas u largua në këmbë. Gruaja bënte punët e shtëpisë në disa banesa të zonës. Në vitin 2019, ndaj ish-partnerit, tashmë në kërkim, u vendos ndalimi për të takuar viktimën. Situata ishte e njohur për miqtë dhe të afërmit e ngushtë, tashmë të vendosur nën mbrojtje.
Si u gjet i vdekur boshnjaku
Trupi i vrasësit u gjet në një makinë në një fushë në unazën e Viçenzës. Por në automjet policia gjeti edhe një trup të dytë të pajetë të një gruaje: sipas hetimeve të para, ‘viktima e dytë’ mund të jetë partnerja aktuale e vrasësit . Të dy kanë plagë me armë zjarri .
Hipoteza e paraqitur nga hetuesit është se Vasiljevic kreu vetëvrasje pasi vrau partneren e tij të re, një vajzë të re me origjinë venezueliane. Zona ku u gjetën dy trupat e pajetë është siguruar nga efektivët e policisë për hetimet dhe kontrollet e nevojshme.
Sipas Italpresse, Lidia Miljkovic në të kaluarën ishte rrahur dhunshëm në disa raste nga ish-bashkëshorti i saj. Ky i fundit do t’i kishte thyer kafkën, më pas burri do ta denonconte për gjoja braktisje të fëmijëve.
Skuadrat e bombave kanë ndërhyrë edhe në fushën e unazës së Viçenzës. Sipas disa dëshmitarëve, në fakt, vrasësi shpërtheu bomba për të mbuluar arratisjen e tij.
Lidia jetonte në Schio – u tha gazetarëve Benedetto Mondello, punëdhënësi i viktimës – për rreth një vit ajo kishte qenë partnerja e vëllait tim dhe ata po qetësoheshin pak pas disa peripecive. Diheshin problemet me ish-bashkëshortin , ne ishim të shqetësuar se dihej situata. Jam i habitur nga punonjësit socialë dhe disa gjyqtar. Ata kishin vite në gjyq, nuk e di nëse ka pasur vendim”.
