LIGJET E BIZNESIT
Mbrëmjen e kaluar Jubileu i Patintë i madhërisë së saj Mbretëreshës së Britanisë së Madhe Elisabet II u festua edhe në Tiranë, në një pritje të posaçme të organizuar nga ambasada e Mbretërisë së Bashkuar në vend.
Elita politike e kryeqytetit ishte e ftuar në këtë pritje, ndërkohë që u vu re mungesa e ish-kryeministrit Sali Berisha, i cili nuk kishte marrë një ftesë.
Të pranishëm mësohet se ishin Presidenti i Republikës Ilir Meta, ish-kryetari i PD-së Lulzim Basha, drejtuesi i grupit parlamentar Alibeaj, kryetarja e LSI Monika Kryemadhi, kryetari i grupit të PS Taulant Balla, teksa nga Komisioni i Rithemelimit u pa vetëm Ivi Kaso.
Duket se politikanët tanë kanë lënë pas përplasjet politike dhe nga pamjet e siguruara nga mediat pamë takime tejet të përzemërta mes tyre.
Një përshëndetje midis politikanëve Kryemadhi dhe Balla, një përqafim mes presidentit Meta dhe presidentit të ri të zgjedhur Bajram Begaj ishin këto disa nga momentet e kapura.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Nga pamjet të gjithë janë parë të lumtur duke harruar për një moment të gjitha akuzat e bëra ndaj njëri-tjetrit përgjatë gjithë kësaj kohe apo dhe kallëzimet në SPAK.
Përmendim se dje ish-deputeti Halit Valteri dorëzoi në SPAK një kallëzim për presidentin Meta, për të cilin tha se disponon dokumeta shumë të sigurta për shkeljet e rënda që presidenti ka bërë sipas tij.
Mirëpo, ky kallëzim si duket nuk e ka shqetësuar aspak presidentin, i cili ka harruar SPAK-un dhe ka shijuar mbrëmjen.
