Kërdia në Itali/ Sekuestrohen 4.3 tonë ko kainë dhe 2 mln euro cash, 38 masa arresti

Njësia e Policisë Ekonomike dhe Financiare e Policisë së Triestes e koordinuar edhe nga Drejtoria Antimafia, kanë sekuestruar 4.3 ton kokainë mëngjesin e kësaj të marte.

Mediat e huaja raportojnë se janë duke u kryer hetimet paraprake, ndërsa janë lëshuar 38 masa arresti për persona mes Evropës dhe Kolumbisë.

Po ashtu, janë sekuestruar rreth 2 milionë euro para cash dhe disa makina, midis tyre dhe një kamion.

Mendohet se kjo sasi e konsiderueshme, pas shitjes në treg me pakicë do të kapte shifrën e 240 milionë eurove, ndërsa për ta blerë dyshohet se janë shpenzuar rreth 90 milionë euro.